madmaro يعنى شغال
الابراج : عدد المساهمات : 115 العمر : 36
| موضوع: ابسط قواعد لغه الجسد الإثنين أبريل 27, 2009 12:14 am | |
| حاولت مرة تتعدي مرحلة الكلام ؟ حاولت تفهم قصد اللي بيكلمك من غير كلام ؟ حاولت ان تفهم لغة جسده ؟ لو حبيت تفهم لغة الجسد مش مطلوب منك غير حاجه واحدة " التركيز"
يعني مثلا لو حاولت التركيز في الاعضاء دي
الانــــــف تعرف ان اللي بيكلمك مركزاوي وممكن يكون بيشك في كلامك لو لقيته بيحك ارنبة انفه بضهر ايده او وضع انفه بين السبابه من فوق والابهام من تحت
الاذن لو انت بتكلم حد ولقيته بدأ يمسك حلمة ودنه ويفركها يبقي مش عارف يرد وبيفكر في اجابة كمان لو ابتدي كلامه بكلمة بصراحة اعرف انه هيكذب ولو حط الابهام ورا ودنه وزقها يبقي حسب ملامح وشه لومكرمش يبقي فعلا مش سامعك ولو مش مكرمش يبقي هو بيراضيك.
العيون لو كانت العين دبلانه وفي بطء في حركة الرموش يبقي اللي بيكلمك عنده ملل من كلامك ولو عينه سرحت وهو بيكلمك لو مكنش بيفكر فيك يبقي انت حد مش مهم علي الاطلاق في حياته والغمزة بالعين اليمين معناها ان الشخص ده عقلاني ولو بالشمال فالشخص ده عاطفي .
الشعر لولقيت حد كل شوية يحط ايده علي راسه يطمن ع التسريحه وكذلك الحال بالنسبة للطرحة او كل شوية يمشي ايده علي حواجبه عشان يساويهم يبقي الشخص ده معجب بنفسه الي حد كبير لكن لو فرك في فروة راسه يبقي عايز يفتكر حاجه ناسيها .
الفم وجود حركه في الفكين والفم مقفول دليل ان الشخص عصبي وكمان لوكانت شفايفه خصوصا اللي تحت مجروحه يبقي بيفكر كتير وبيركز اكتر وهمومه اكتر واكتر. وبالنسبة للابتسامه يعني ازاي تقدر تفرق بين ابتسامه مزيفه صفرا او ابتسامه حقيقيه ؟ انا اقولك المزيفة هتلاقي العضلات في زوايا الفم فقط هي اللي بتتحرك لكن لو الابتسامه حقيقية هتلاحظ تقلص في عضلات اطراف العين .
الايدين البنت لوشبكت ايديها يبقي دليل علي استرخائها ودخولها في الجو المحيط بها لكن لو ده كان مصحوب بتباطؤ في حركة الرموش وتكشيره تبقي حاسة بحاله من الملل . ولو كنت قاعد مع حد ولقيت ايديه علي الترابيزه رايحه ناحيتك يبقي عايز يكون علاقه حميمة معاك . ولو لقيت حد قاعد علي كرسي وايده علي ظهر كرسي تاني ده معناه انه بيتمني تكون جنبه شريكة يغمرها بعطفه وحنانه .
القدمين حركة الرجلين بشكل افقي او حركة رجل واحده بشكل رأسي دليل قوي جدا علي التوتر . كمان لو في حد بيحرك رجليه بشكل ايقاعي مع وجود اي موسيقي يبقي الشخص ده بيعاني من نقص في التركيز واي مؤثر خارجي ممكن يعصبه ويخليه يخرج عن شعوره .
| |
|
Master_OsOs Admin
عدد المساهمات : 416
| موضوع: رد: ابسط قواعد لغه الجسد الإثنين أبريل 27, 2009 10:54 am | |
| موضوع جميل ومتهيالي انت فاكر لما كنا بنستخدم الكلام ده انا وانت والشله
| |
|
amr مشرف عام
الابراج : عدد المساهمات : 122 العمر : 34
| موضوع: رد: ابسط قواعد لغه الجسد الإثنين أبريل 27, 2009 7:33 pm | |
| لغة الجسد مهمه فى معرفة حالة الواقف امامك بس مش كله بيفهمها وممكن تلاحظها كويس اوى مع واحد انت فهمه صح | |
|
madmaro يعنى شغال
الابراج : عدد المساهمات : 115 العمر : 36
| موضوع: رد: ابسط قواعد لغه الجسد الإثنين أبريل 27, 2009 8:47 pm | |
| اكيد فاكر يا كبير وتسلم علي مرورك وتسلم علي مرورك يا يايايايايايايا حبيب | |
|