Master_OsOs
Admin
عدد المساهمات : 416
 |  موضوع: نجاح المنتدي لغة هكذا اعرفها  السبت أبريل 18, 2009 6:21 am | |
| السلام عليكم ورحمة الله وبركاته
اهلا بكم يا رب تكونو في كامل الصحة واتم الحال
الموضوع ده خالي من اي شرح ولكنه مهم جدأ جدأ
أرجو من الجميع قراءة الموضوع مرة واتنين وتلاته
الموضوع بعنوان
نجاح المنتدي لغة هكذا افهمها
بصور في الموضوع وجهة نظري المتواضعة لنجاح منتدانا واتمني من الجميع انهم يستفيدو من الموضوع لانه مش كلام انشاء لو عايز تشوف الصورة بحجمها الطبيعى - إضغط على الصورة
وسواء التطبيق هيكون في منتدانا او منتدي اخر فده هيسعدني جدأ لاني هحس ان في ناس طبقت كلامي وفهمته كويس لو عايز تشوف الصورة بحجمها الطبيعى - إضغط على الصورة
ندخل في الموضوع بقي
نجاح اي منتدي يا جماعة مش بعدد اعضائه ولا عدد المواضيع ولا عدد المشاركات ولا حتي عدد الزوار
والدليل ان في مواقع كبيرة جدأ عدد اعضائها مئات الألوف من الاعضاء ولكن محتواها ردئ وسئ من امثلة
هزي وسطك يا نواعم
او تدخل تلاقي موضوع اسمه القبض علي فلان مع فلانه في شقه مفروشه بالصور احم احم حاجه فعلا مقرفه
ممكن نعمل قسم لزيز ونسميه قسم فضايح الفنانات والفنانين
ونعمل قسم نسميه للرقاصات فقط ممنوع دخول المحترمين
وساعتها هنكبر اوي وهيبقي عدد الأعضاء اكتر من الهم علي القلب
بس بالمقابل هنبقي منتدي (( زباله)) سوري يعني في الكلمة
نجاح اي منتدي يا جماعة بيتلخص في نقطتين اتنين
اولأ:- اعضاء ومشرفيين وإداريين علي قدر من الاخلاق والتعاون
ثانيأ:- محتوي جيد وقيم من المواضيع والمشاركات
بغض النظر عن عدد المواضيع او المشاركات او عدد الأعضاء
طيب نوضح النقطتين بتوع التعاون والمحتوي الجيد
دلوقتي انا عضو او مشرف او اداري بدخل المنتدي اعمل ايه ؟؟
من المعروف ان العضو العادي بيدخل المنتدي لثلاث اسباب
1- اصحابه موجودين جوا
2- تصفح المنتدي لتحميل برامج او قراءة موضوع او خلافه
3- او تكون في بنت رامي عينه عليها
البند رقم واحد وهو وجود اصحاب العضو بالمنتدي
دايما هتلاقي العضو ده بيرد علي اصدقائه بس ويراسلهم بالرسايل الخاصة
وكثيرأ جدأ ما يكون هذا العضو لا يعرف معني كلمة منتدي
البند رقم اتنين وهو الخاص بالاعضاء اللذين يتصفحون المنتدي بغرض مصلحة ما مثل تحميل برامج او معلومات او خلافه
الناس دي طبعأ احنا بنشوف اسمائها فقط ولا نري تفاعلها لان دخولهم المنتدي لمصلحه شخصية فقط (( يأخزون ولا يعطون )) وما اكثرهم
البند رقم تلاته وهو الخاص بالاخوه اللي بيطلق عليهم عناكب المنتديات ودول الأعضاء اللي بيدخلو المنتديات عشان البنات ويقعدو يحورو عليهم
ودول مش كتير بس احب اقولكم ان مفيش منهم حد هنا تقريبا لو عايز تشوف الصورة بحجمها الطبيعى - إضغط على الصورة
الفقرة اللي فاتت كانت خاصة بالاعضاء العاديين
طيب بالنسبة للأخوة المشرفين والإداريين في المنتديات
الفئة دي يا جماعة فئة يعجز لساني عن شكرهم لان الناس دي بجد
شموع تحترق من اجل الأخرين
ناس بتتعب وتجتهد عشان ناس تانيه تيجي تتصفح وتمشي بدون ان نشعر بهم ولا ينتظرون سوي كلمة شكر من احد الاعضاء واحيانا لا تقال
نقطه ونرجع تاني لمضمون موضوعنا اللي هو
نجاح المنتدي لغة هكذا افهمها
بالنسبة للأعضاء احب اقول لكل عضو بيدخل المنتدي او بيسجل معانا
مش هتخسر كتير لو قلت كلمة شكر لأصحاب المواضيع لان الناس دي بتتعب عشان حضرتك ؛ وكلمة شكر مش هتقتلك
ادخل المنتدي تصفح جميع اقسامه ومحتوياته لا تنظر إليه نظره عابرة فالمنتدي ملئ بالمواضيع القيمة والمحتويات الجيدة ربما تكون ضالتك
مش عارف تعمل موضوع ومش عارف تشارك ؛ مش عيب لو قلت مش عارف لانك انهاردة مش عارف بكرة هتعرف وبعده هتبقي افضل وافضل
مفيش عندك حاجه تضيفها في المنتدي ؟؟ لو عندك كتاب ونقلت منه مقاله في المنتدي كفايه اوى بس يكون عندك استعداد لانك تساهم في نجاح المنتدي
بالنسبة للأحوة المشرفين
دخولي القسم الخاص بي والمسؤل عن اشرافه لا يعني دخولي لوضع موضوع او اثنين او اكثر فمراقبة القسم اهم من وضع المواضيع به
علي سبيل المثال
لو انا مشرف علي قسم الصور ايه المطلوب مني ؟؟
اولا ادخل اشوف فيه مواضيع جديدة ؟ لو لقيت موضوع جديد يبقي لازم ارد عليه لانه موضوع في القسم اللي انا مشرف فيه
لقيت الموضوع مخالف احزفه
لقيت الموضوع ناقص تنسيق اعمله تنسيق واجمله
لقيت الموضوع في قسم غلط انقله للقسم الصحيح
للأسف الشديد دخلت اقسام عليها مشرفين لقيت مواضيع بقالها اكثر من شهر بدون رد المشرف عليها ولقيت مواضيع مخاالفه والمشرف لا حياة لمن تنادي
لازم كل مشرف يعرف ان القسم بتاعه امانه لازم يحافظ عليها
ولو مش قدها يبقي يسيبها ويتركها لمن يستحقون
مش ادخل احط ردود ومواضيع واسيب القسم بتاعي بدون ترتيب او تنظيم
اتمني نشوف اعضاء ومشرفيين وادارييين متعاونييين
اتمني نشوف محتوي جيد ومواضيع قيمة
ثانيا ايها القارى اود ان اهمسك في اذانك كلمات ,,,
فأن كنت ممن يرد الخير لهذا المنتدي فاكمل قراته وان لم تكن فلاتشغل بالك بأمرنا,,,
لفشل المنتديات عدة أسباب منها:
1- عدم إهتمام المشرفين بالاعضاء وهذا شيء مهم .
2- كثرة المواضيع المنقولة وأحيانا بعض المواضيع التي لا معنى لها ولا فائدة .
3- غياب صاحب المنتدى لفترات طويله لإن حضورة يكون دافع قوي للاعضاء والمشرفين ايضاً .
4- سوء إختيار المشرفين الاكفاء .
5- كثرة المجاملات بين بعض الاعضاء وانحيازهم .
6- غياب الوعي الثقافي والتعليمي .. بحيث أن يضع العضو نصب عينيه الإشراف
وأن لا يشارك إلا لأن يصبح مشرفاً على منتدى معين
7- اهتمام الأعضاء بالمشاركات من حيث الكم لا من حيث الكيف.
8- خلو المنتدي من المواضيع الساخنه .
9- خلق روح المنافسه بين الاعضاء والمشرفين .
10- عدم تظافر أعضاء المنتدى والمشرفين بين بعضهم حتى يشعر الجميع أنهم في بيت واحد .
11- تكبر بعض المشرفين على الاعضاء وعدم مشاركته مع الأعضاء في كتابة المواضيع والردود على المواضيع .
ختاماً أرجو الاهتمام بهذه النقاط وجعلها نصب أعيننا في المستقبل لكي لا نقع في هذه الأخطاء و
لنرتقي بهذا المنتدى الرائع جدا .
مع تمنياتي بالأستفادة
master_osos | |
|
