تساقط الشعر

نائب المدير عدد المساهمات : 151

انا جايبة لكم انهاردة موضوع يهم كل بنت

اسباب تساقط الشعر

ده سؤال مهم قوي سألتيه لنفسك خاصة لما تيجي تسرحي شعرك وتلاقيه بيقع كتير قوي، وتقولي ليه؟ ده أنا مافيش حد بيهتم بشعره قدي، بس في الحقيقة إن فيه حاجات ممكن تكوني مش واخدة بالك منها وهي دي اللي بتخلي شعرك يقع والحاجات دي هي...

شوفي بنفسك:

أولا: نقص الفيتامينات..

كتير مننا بيعتقد إن العن... بالشعر بتقتصر على الزيوت والكريمات اللي بنحطها عليه، لكن في الحقيقة إن الشعر زيه زي باقي جسمنا محتاج للغذاء الصحي المفيد اللي متمثل في الفيتامينات والبروتينات..

وعلشان كده ياريت إنك تحرصي في غذائك على الغذاء الصحي المفيد اللي يكون بيحتوي على جميع العناصر الغذائية زي اللحوم والدجاج والسمك والبيض واللبن الحليب والجبن وفول الصويا والحبوب والمكسرات.

ثانيا : الحمل

وأثناء الحمل بيحدث تساقط لشعر الرأس بشكل مش طبيعي خاصة بعد الشهر الرابع وذلك لأن نسبة كبيرة من بصيلات الشعر تدخل في مرحلة الر... أو الخمول وبالتالي تقل نسبة الشعر النامي وسبب ذلك قد يكون فقر الدم أو التوترات العصبية أو بسبب زيادة إفرازات الغدة الدرقية.

ويسقط الشعر أيضا عند التعرض لضغط عصبي شديد قد يؤدي إلى حدوث اضطربات في هرمونات الجسم.

ثالثا: تناول بعض الأدوية..

مثل تناول حبوب منع الحمل لفترة طويلة بيؤدي إلى تساقط الشعر وذلك نتيجة لتأثير الهرمونات اللي بتحتوي عليها هذه الحبوب، والنوع ده من التساقط بيكون تساقط مؤقت إذ أنه يختفي وتعاود البصيلات نشاطها السابق وتعوض الشعر المتساقط وذلك بعد التوقف عن استعمال هذه الحبوب. كمان الأدوية -والعياذ بالله- الخاصة بالسرطان بتؤدي إلى تساقط الشعر بشكل كبير وده لأن الأدوية دي بتجعل الشعر هش وضعيف ويتساقط.

رابعا: اتباع ريجيم قاسي..

قد يكون السبب في تساقط الشعر هو اتباع نظام غذائي قاسي وذلك لأنه بيأثر على نشاط بصيلات الشعر، علشان كده حاولي وإنتِ بتتبعي نظام الريجيم إنك ماتقسيش على نفسك قوي وحاولي إنك تتناولي الفاكهة والخضروات والخضار والبروتينات الضرورية لبناء الجسم والمحافظة على حيويته.

خامسا: الإصابة ببعض الأمراض..

ممكن يكون الإصابة ببعض الأمراض -لا قدر الله- سببا من أسباب سقوط الشعر وطبعا هتسألي وتقولي الأمراض دي زي إيه؟ زي مثلا: "أمراض الغدة الدرقية" وده نتيجة زيادة إفراز الغدة الدرقية أو العكس بتكون نتيجة نقص إفراز الغدة الدرقية وده علاجه هو إنك تاخدي العلاج المناسب للغدة الدرقية.

سادسا: استخدام السشوار..

استخدام السشوار بصورة دائمة والتعرض للحرارة الزائدة بيؤدي لتقصف الشعر وفقدانه اللمعان وبالتالي تعرضه للسقوط.

سابعا: لف الشعر..

لف الشعر كمان من الأسباب اللي بتؤدي إلى سقوط الشعر خاصة لو إنتِ بتستخدمي أنواع مصنوعة من المعدن، كمان لف الشعر لفترات طويلة بيجهد البصيلات لأنك بتشدي شعرك قوي وبالتالي يؤدي إلى تساقط الشعر.

ثامنا: تسريح الشعر..

ياريت إنك تبعدي عن شد الشعر بطريقة جامدة أثناء التسريح، وكمان ياريت إنك تبعدي عن التسريحات المعقدة زي الضفيرة وذيل الحصان لأنها هي كمان بتساعد على زيادة سقوط الشعر.

تاسعا: فرد أو تمويج الشعر..

كتير بيلجأ إلى عملية فرد الشعر أو تمويج الشعر من غير ما يعرف إن العملية دي لها تأثير ضار على الشعر.. لأنها بتؤدي إلى سقوط الشعر لفترات قد تكون طويلة وده لأن استخدام مواد كيمائية في عملية الفرد أو التمويج بتحلل الروابط الموجود بين أجزاء الشعر فتصبح الشعرة ضعيفة جدا.

وعلى فكرة عملية فرد الشعر أو تمويجه لا يؤدي إلى تساقط الشعر فحسب بل قد يُؤذي فروة الرأس أيضا.

عاشرا: الصبغة..

كمان استخدام أنواع من صبغات الشعر المصنوعة من مواد كيمائية لأنها بتؤدي إلى فقدان لمعان الشعر وتقصفه وبالتالي سقوطه.

و دول وصفتين لعلاج تساقط الشعر:

وصفة الزعتر

المكونات:

نبات الزعتر
ماء بارد

الطريقة:

يطحن نبات الزعتر لغ... ما يبقى ناعم جداً وبعد كده تاخدي منه ملء معلقة كبيرة وحطيها في ملء كوب ماء بارد عادي، وغطيها وسيبيه لمدة يوم ثم صفي المية من التفل واستخدمي المية دي في تدليك فروة الرأس بس بلطف، كرري هذه العملية كل يوم قبل النوم لمدة شهر.

وصفة عصير الفجل

المكونات:

فجل
زيت خروع

الطريقة:

دي طبعا مافيش أسهل منها وهي عبارة عن إنك تفرمي الفجل في الخلاط وبعد كده تاخدي العصير ده وتمزجي معاه كمية قليلة من زيت الخروع وادهني بيه فروة رأسك واستمري في استعمال الوصفة دي كل يوم لمدة شهر.
والوصفة دي فايدتها إنها بتساعد على إنبات الشعر المتساقط.

يا رب اكون قدرت افيدكم

Admin عدد المساهمات : 416

ياعينى يا سمسمه بقي كده اول موضوع في المنتدي يبقي للبنات

ماشي يا سيدتى

بس موضوع جميل يستاهل اسقفلك

cheers

نائب المدير عدد المساهمات : 151

طبعا يا اسامه هو احنا في زينا

موضوع: رد: تساقط الشعر الخميس أبريل 23, 2009 8:19 pm

يعطيك العافيه على المعلومات

بس حابه اضيف حاجه

متى تقدر نقول شعري يتساقط خارج الطبيعي؟

الطبيعي 100 شعره يوميا

في بنات كثير يخاف من كم شعره فحبيت اطمنهم

وشكرا

موضوع: رد: تساقط الشعر السبت مايو 30, 2009 10:21 pm

بجد موضوع مهم جدا ويهم كل البنات

موضوع: رد: تساقط الشعر الأحد مايو 31, 2009 3:04 am

مش كلهم كلهم يعني
في بنات معندهمش شعر من الاساس
ههههههههههههههههههه
قرعه يعني
ههههههههههههههههه
هههههههههههههه

هههههههههههههههههه
مفيش بنت قرعه
بس في ولد اقرع
هههههههههههههههههههههههههههههههه